Untitled Document
ഫ്ലാഷ് ന്യൂസ്‌
വിദേശി ദന്ത ഡോക്ടര്‍മാരുടെ തൊഴില്‍ കരാര്‍ പുതുക്കാതെ സ്വദേശികളെ നിയമിക്കാന്‍ നീക്കം            


Content on this page requires a newer version of Adobe Flash Player.

Get Adobe Flash player

വാര്‍ത്തകള്‍
GM Specials
കാര്‍ട്ടൂണ്‍
Cartoon Area
ന്യൂസ്‌ലെറ്റര്‍
ഞങ്ങളെ കുറിച്ച്
ആര്‍കൈവ്സ്
ഹോം    എഡിറ്റോറിയല്‍    

500 കോടിയുടെ മഴ


മഴ അനുഗ്രഹമാണെന്ന് വെറുതെ പറയുന്നതല്ല. എന്നാല്‍ പലരും ആ അനുഗ്രഹത്തെ കണ്ടെന്ന് നടിക്കാറില്ല. പെയ്തു തീര്‍ന്നാല്‍പ്പിന്നെ പൊടി പോലുമില്ല കണ്ടു പിടിക്കാന്‍ എന്ന പരസ്യവാചകം പോലെ നേരെ അറബിക്കടലിലേക്ക് ഒഴുകുന്നതാണ് നമുക്ക് കിട്ടുന്ന മഴകള്‍. വേനലു കത്തിത്തുടങ്ങുന്നതോടെ മഴക്കുഴികളില്‍ ശേഖരിച്ചതൊക്കെയും ആവിയായിപ്പോവുകയും ചെയ്യും. 
എന്നാല്‍ ഇത്തവണത്തെ മഴ ഏറ്റവും അനുഗ്രഹം ചൊരിഞ്ഞത് കേരളത്തിലെ വൈദ്യുതി മന്ത്രി ആര്യാടന്‍ മുഹമ്മദിനാണ്. കെ.എസ്.ഇ.ബിയും കെ.എസ്.ആര്‍.ടി.സിയും ഒരുപോലെ കട്ടപ്പുറത്താകുമെന്നു തോന്നിയ നേരത്താണ് അനുഗ്രഹമായി മഴ വര്‍ഷിച്ചത്. ഇത്തവണ ലഭിച്ച മഴ കൊണ്ട് കെ.എസ്.ഇ.ബിക്ക് 500 കോടി ലാഭമുണ്ടാകുമെന്നാണ് വൈദ്യുതി മന്ത്രി പറയുന്നത്. എന്നാല്‍ ഈ ലാഭം കൊണ്ട് നാട്ടുകാര്‍ക്കെന്ത് നേട്ടം എന്നു ചോദിക്കരുത്. മുന്‍ വര്‍ഷം ബോര്‍ഡിനുണ്ടായ 2800 കോടിയുടെ നഷ്ടത്തില്‍ വരവു വെക്കാനാണേ്രത ഈ 500 കോടി. അങ്ങനെ അറബിക്കടലിലേക്ക് ഒഴുക്കിയ വെള്ളം പോലെയായി ഈ അഞ്ഞൂറ് കോടിയും. പൊടിപോലുമില്ല കണ്ടു പിടിക്കാന്‍. 
750 മെഗാവാട്ടിന്റെ വൈദ്യുത പദ്ധതികള്‍ നടപ്പാക്കാന്‍ മുല്ലപ്പെരിയാര്‍ മോഡലില്‍ നിയമസഭ പ്രമേയം പാസ്സാക്കണമെന്നതാണ് ആര്യാടന്റെ മറ്റൊരു തമാശ. മുല്ലപ്പെരിയാര്‍ മോഡല്‍ പ്രമേയം എന്നു പറയുമ്പോള്‍ അതൊരു വലിയ വിപ്ലവമാകുമെന്ന പ്രതീക്ഷയിലായിരിക്കും അദ്ദേഹം പറഞ്ഞതെങ്കിലും ആ പ്രമേയത്തിന്റെ ഗതി എന്താണെന്നു മാത്രം ചോദിക്കരുത്. അതേ ഗതി ഈ പ്രമേയത്തിനും ഉണ്ടാവാതിരിക്കട്ടെ എന്നു പ്രാര്‍ത്ഥിക്കുകയല്ലാതെ രക്ഷയില്ല.



Recent Editorial :